فيلم تحالف العدالة: نسخة زاك سنايدر Zack Snyder’s Justice League 2021

فيلم تحالف العدالة: نسخة زاك سنايدر Zack Snyder’s Justice League 2021

قصة فيلم تحالف العدالة: نسخة زاك سنايدر Zack Snyder’s Justice League 2021

لضمان أن تضحية سوبرمان النهائية لم تذهب سدى ، بروس واين يربط القوات مع ديانا برينس مع خطط لتجنيد فريق من البشر لحماية العالم من تهديد مقارب ذي أبعاد كارثية. أثبتت المهمة أنها أصعب مما تخيله بروس ، حيث يجب على كل من المجندين مواجهة شياطين ماضيهم لتجاوز ما أعاقهم ، مما يسمح لهم بالالتقاء معًا ، وأخيراً تشكيل رابطة غير مسبوقة من الأبطال. الآن متحدين ، باتمان ، ووندر ومان ، وأكوامان ، وسايبورغ ، وفلاش قد فات الأوان لإنقاذ الكوكب من ستيبنوولف ، وديساد وداركسيد ونواياهم المروعة.

فالقصة تبدأ مع بروس وين وديانا اللذان تصدوا لإحباط محاولة الشرير ستيبنوولف الذي يريد الحصول على الصناديق الأم،  ولكن نظرا لقوته الكبيرة قررا أن يقومان بجمع فريق العدالة، ويهب (باتمان)، (المرأة العجيبة)، (أكوامان)، (سايبورج)، (الفلاش) لإنقاذ كوكب الأرض.

زاك سنايدر جاستس ليج (بالإنجليزية: Zack Snyder’s Justice League )‏ يشار إليه عادة باسم ” قص سنايدر ” هو فيلم خيال علمي بطل خارق القادم تم إنتاجه في الولايات المتحدة . من إخراج زاك سنايدر.

الفيلم مبني على قصة Justice League 2017 فرقة العدالة

لازم يبقى فيه مقارنة وجبة بين النسخة ديه ونسخة 2017.. اللى أنا فى رأي مكانتش نسخة سيئة وكان ممتعة فى لحظات كتير ولكن مخرجش بشكل اللى مطلوب منه أو المتوقع منه وطبعا إحنا فاهمين اية المشاكل اللى خصلت بين شركة وارنر برزارز والمخرج زاك سنايدر
ف هنا السيناريو هو العامل الأقوى فى الفيلم لإنه حقيقي عامل زي الطالب الشاطر مظبط كل فصل فى القصة ومديله حقه و بزيادة ودول 4 ساعات يعنى وقت كافي يعمل كل أللى هو عايزه والحقيقة هو نجح فى دة ب شدة
يعنى مثلا: كان فيه مشاكل فى تقديم الشخصيات.. هنا الشخصيات بتتقدم بالتفاصيل وكل حاجة إنت عايز تعرفها عنهم والاسباب والمبرر والدوافع وتحولاتهم فى رفض قرار الانضمام والاسباب كمان اللى يخليهم ينضموا وكل معمول بشكل مظبوط يعنى بيبيع كل حاجة صح ليك عشان تقدر ترتبط آكتر بالشخصيات ونتفاعل معاهم دراميا
كمان كان فيه مشاكل زي الاكشن والمعارك… لا هنا الاكشن والمعارك حقيقي معمولة بشكل بيتدرج من ممتاز وخصوصا المواجهة الأخيرة وبين جيد جدا وفى أقل احوالها جيدة وحاجات هتحس إنك شوفتها قبل كدة وحاجات تانية لأ ودة هيرفع آوي من مستوى المتعة والاعجاب… يمكن بس عيبها اللى فضل مستمر هو Slow Motion أو التصوير البطئ اللى كان مزعج بس هنا الحمد لله أقل شوية ومكانتش مبررة طبعا جزء التصوير البطئ الخاص بشخصية The Flash بريئة من دة تماما لأنها مبررة
كمان كان فيه مشاكل فى الجرافيك.. وهنا أقدر أقول إن زاك سنايدر المبهر دايما على مستوى المؤثرات هو هنا لسه بيبدع آكتر لأنها من أهم بصماتة أصلا وفى أفضل احوالها لأنها مش ملحمية ومش معقدة وفيها شكل جديد كمان بيتقدم اينعم فيه شوية حاجات مفقوسة ولكنها فى الإجمالي كانت مبهرة وحلو جدا فعلا
كمان كان فيه مشاكل فى التفاصيل… ودة زي ما قولت إن السيناريو قاسم الفيلم ل 6 أو 7 فصول وكل فصل كان واخد حقه بالكامل من تقديم شخصيات وخلفياتهم وتقديم مشاكل وتقديم مبررات وتقديم أسباب ودوافع وتقديم تحولات وكمان تقديم دراما وتقديم كوميديا… يمكن بس فيه تفصيلة واحدة خصوصا مع الصندوق الثاني فيه مشهد اكشن حسيت فيه بالصربعة زي ما يكون حسيت بكروتة بس هي مش مشكلة كبيرة
كمان كان فيه عناية كبيرة بالشخصيات الفرعية اللى تخص ابطالنا وكمان بناء على ذلك قدموا أداء جيد جدا وحتى بعض الممثلين اللى قدموا أدوار صغيرة بس مهمة وتركت بصمة فى الاحداث زي إيمي ادامز وهنري كافيل طبعا وناس تانية كتير وكل دة مكانش موجود فى النسخة القديمة
كمان هنا الأداء التمثيلي أتحسن كتير والتناغم بين الفريق بتاعنا بقى أحلى ومتماسك و مرتبطين بيهم آكتر.. وطبعاهنا فيه ادائات بتدرج بين ممتاز و جيد جدا وحيد… بين افليك فى رأي هما كان ممتاز لإنه كان عليه تحديات وكمان إنه كان قائد الفريق وهو المحرك الرئيسي ليهم… و ايزرا ميلر اللى قدم شخصية The Flash كان ممتاز لإنه هنا قدر يوزن في إنه يعكس الجانب ال درامي والكوميدي وكان كويس جدا… وراى فيشير فى شخصية Saiborg اللى كان فيه إبعاد مكنتش فاهمها فى شخصيتة فى النسخة القديمة هنا بتطور واداءة معاها بيعجبني جدا… جيمس موموا فى شخصية Aquaman كان حلو جدا برضه بس طبعا اداءة كان باين آكتر فى الفيلم المنفصل لوحده.. واخيرا جال جادوت فى شخصية Wonder Woman اللى بعتبره آكتر مرة حاولت تقدم فيه أداء كويس عن أي فيلم تآني
مشكلتي الكبيرة مع الفيلم هي شخصية الشرير اللى للأسف ماتحسنتش آوي عن الجزء اللى فات… بس فيه تقديم شخصية آكتر شر فى الفيلم اعتقد هتقلب الموازين فى الافلام الجاية
فى الأخر المخرج زاك سنايدر بيقدم أقوى وأفضل فيلم له… وأفضل فيلم فى عالم DC ودة بيشكل تحديات كبيرة ليهم فى الافلام الجاية لأن دة اعلى مستوى شوفته واظن إن الافلام الجاية المفروض تبقى اجمد ولازم يتقدم فيه أقوى من كدة

  أعمال سينمائية أخرى